今天有很多人分享一個山竹的風眼。好像很好笑的樣子。然後，有人就說，如果天文台這一次那麼「認真」的對待這次的超強颱風，是不是不能說笑？
有網民拿了澳門人的分享出來：
當你上年有經歷過澳門天鴿之後，你真係呢世都唔想再打風。雖然澳門氣象局令到好多人無防範意識而引致傷亡加重，但其實一個勁颱風打到黎，你可以做嘅就係聽天由命。由我講下當日我嘅經歷同感受：
我係澳門人，當日係路氹某賭場on99返緊工，仲諗緊個風應該同平時一樣尻流流嘅時候。酒店大門玻璃吹到爆開，賭場外圍有舊巴士咁大嘅裝飾吊燈從天而降，繼而大半個澳門停電，再係Facebook 同we7睇到外面周圍都水浸，冧樹，交通癱瘓等等，心入面已經知大檸樂。跟住好多傳言，發電站全毀，後備供電不足，各大區開始斷水斷電，最懷情況係電訊商無電而斷網（好彩最終都無發生）。去到下午開始有消息話多個地庫停車場同低窪地區有人被困，成個澳門人心惶惶。直到夜晚9點落哂風，我終於可以放工，一出到條街，冧樹垃圾棄車消防救護隨處可見，可幸係我架綿羊仍然建在（我同事架綿羊吹左去隔離街），返屋企沿途無任何街燈，只靠車燈照亮，返到自己住果區，直頭如同喪屍片入面嘅死城一樣，踩落地直頭feel到泥漿，個畫面係震撼到差d喊出黎。我企係大街伸手不見五指，只見到大廈入面發出嘅電筒光同月亮光。我行左十幾層樓梯返到屋企，玻璃爆哂，廳同房有大量積水同垃圾，隻狗縮左係廁所，果一刻真係流左兩滴馬尿，到我清理完間屋，已經係凌晨3點，再望出條街，覺得果一晚嘅澳門特別靜，係死靜。第二日，條街d垃圾開始發臭，仍然無水無電，環境衛生開始變差，政府仍然無任何大型救災行動，民眾自組團隊執垃圾，義工團體同餐廳免費送食物食水比老弱婦孺，某飲品集團一貨櫃一貨櫃樽裝水咁運黎，以成本價賣比我地應急。到最後我屋企係等左一個星期先有返水電，某d舊區直頭要解放軍出動幫手清理垃圾，而多個地庫停車場亦一條條屍體咁運返出黎:-(
如果大家睇完我呢段經歷仲想打風
我祝大家山竹牛肉
先不要說，這個山竹圖，很多人都forward 建制派的分身page 了：
這樣子，真的很好笑嗎？
我也不知道。
有時候我會想，天有不測之風雲，我明白。
但如果颱風真的要來了，你又好認真對待了，你會做什麼？
大家也真的會做什麼準備？是去買東西吃嗎？買水嗎？還是住在沙中線、高鐵線附近的人會住兩晚酒店？
我真的不知道。
而更令我覺得有點難以釋懷的，是另一個朋友說：「天氣你都做唔到d咩架啦，而家係咁講個風，咪冇人講高鐵買飛個『包二奶』囉。」
對啊，給香港人其他話題，所有事情都變得不重要。你看？
究竟香港人是精明，還是愚蠢？
well，放心吧，香港人，聰明人真的太多太多了。
