從2016起，我就跟自己說，唔做中唔做保唔做媒人三代好。出道呢幾年，介紹學生到不同的傳媒機構，當學生嘅表現唔ok，就會找到我頭上。
彷彿好似我有問題咁。
「教不嚴師之惰」我明嘅。
但介紹朋友做嘢呢？係咪一定要加埋人格擔保？更何況，娛樂圈，人多口雜事瑣碎，我又唔係果堆藝人嘅老闆，頂多只係「朋友」（如果佢地當我係啦），我點干涉佢哋嘅工作日程？隨著麻煩多過好處，呢幾年，我都好少再做「介紹人」，好似有人想要本土食材嘅餐廳廚師，我有contact 我都唔會畀任何人，費事煩。
萬一，任何一方因為佢哋個project成功賺錢失義，失敗蝕錢失利，對我都係百害而無一利。
所以，我呢幾年，都唔再做「中間人」，育成任何美事。
只係有一點，係真係我弱點。叫識於微時。這次拍攝，係我line up嘅。
都係敗於「識於微時」四隻字。
攝影師kii 識咗近十年，係 ＃903國民教育 嘅忠實聽眾，呢十年係東京掙扎求存，靠自己雙手討生活，專業可敬。吳業坤嘛，我講咩說話，都冇咩用。一切，在心中。榮榮辱辱，如果佢真係睇得化，都係一種成長，一種進步。明代洪自成《菜根譚》道：「寵辱不驚，看庭前花開花落；去留無意，望天空雲卷雲舒。」在日本，櫻花的花語，是任性，ワガママ，漢字寫「我儘」。
想以自己的方式而活，都是「我儘」，也是任性一種。呢輯相，我當係吳業坤喺平行宇宙嘅生日禮物。做一個藝人，唔容易。而香港男人，幾多歲都係細路，但願你可以變老之餘，還可以老得無畏無懼，獨立自主。
但願我們都會健康地變老，都能「我儘」，盡一切力量，在不傷害別人及自己的前設下，真性情地做自己。
