香港快啲好返！

＃做人有記性好痛苦㗎

好耐之前，有一個叫林慧思既老師，放工之後講，被人拍到佢粗口。嘩，成個社會好似睇完佢用完特異功能未散功咁，指指點點嘩嘩聲。粗口之嘛，冇聽過？冇講過？全世界好似唔知邊個女明星咁聽到粗口會打冷震？
冇既，因為佢係支持民主派既人，所以呢？就有好多人走去講，話佢操守有問題，搞佢份工。

呢個呢？好啦，上堂講粗口啵，好錯啦呵？職業操守一定有問題啦呵？做咩教育局唔放佢入名單？停佢職？同取消佢資格？

而家你最大既問題，唔係講唔講得粗口，而係同一份規矩，兩套執行方法。而家唔係一國兩制，係一港兩制，黃色身份做「錯事」就即行動，藍色身份既做錯事就無後顧之憂。而更重要的，是「錯事」既定義，非由市民而定，而係由藍色身份既人而定。

你有冇睇過呢個？我唔識笑。

而最大既核心問題，係仲有好多「黃色身份」既人會講：我地係正義既，我地唔可以做「錯事」。果d黃色身份既「隊友」，我唔知佢地係pepe定係連豬睇上腦，覺得佢地既對手，係會對佢地好似果d幫藍色身份既人或者係警察急救既FA一樣，會好有憐憫同大愛之心，會真係好好一視同仁。所以，我一路都話，叫香港人相信法治既人，係好有趣既。因為，可以「守護法治」、「實行法治」既，一定唔係我同你呢d冇權冇勢既香港市民。而係政府，而係中央。但果堆叫人相信法治既黃色身份議員，又會話「香港政府誠信破產」。既然守門人不可相信的人，咁你叫我點樣相信，香港仲有法治？睇住一個又一個出去衝既衝衝子面對漫長而唔知要搞幾耐既法律程序，叫人「唔好啦，打死人啦」、相信「香港法治有險可守」的香港人，會不會真的是太天真，又或是，他們根本不是想打仗，不是想改變？

有d道理，唔係冇人講過。而係講完大家唔想知，唔想聽呀。「一國兩制」成功既要素，係要真誠自治。而家香港冇，咁有冇人問下，當年叫人落搭既香港人，其實欠左幾多代人幾多野，有冇諗過要找返個零頭畀大家？

睇住d幾年前對年輕政治人物嗤之以鼻既人，在集會隊伍中大叫「光復香港時代革命」，我就覺得莫名既痛苦同嘔心，係physically出現既嘔心。

係囉呵，講真話又搞分化。咁果d 老YouTuber 冇理由屈我共產黨果陣，我唔係畀人清理左門戶架啦咩？做咩而家又話我分化你？我幾時入返你果度架？簡單解釋下丫？

所以，我好坦白，最近既什麼遊行，我都冇再去。因為，呢d都係佢地開始拉票既活動，係為2020立法會拉票，早就係半年前開始。我夠認識佢地既真像。佢地唔使，亦不屑拉我地呢種人既票。反正到時候就會有雷動，一切就回到雨傘之前一樣。

我只係想問，果d覺得自己今次就係「覺醒」左，冇扮瞓既香港人，果d期望香港會好返既人，有冇諗過，香港既病，其實係邊度？

＃我又講真話啦
＃希望你地守護我啦

＃我個腦真係收埋好多唔講得既野

＃心情好既時候就講多d畀大家聽啦