＃點解你唔私訊佢

好多人成日都係個網度cap我圖，成日問我「咁叻你有咩高見」、「咁你做過咩」。每次聽到呢d 問題我個心都會忍唔住咭一聲笑出黎。

首先你期待一個傳媒人有咩高見，冇問題既。咁你期待一個傳媒人比一個政府高官，議員，受薪政工作者做更多野，係咪有d咩問題呢？然後，我有時好驚既係，你如果有咩事，真係做左，然後係會搞到自己既，你提唔提佢好呢？

好似早排，有個公民黨既區議員，話要幫人副簽BN(O)。就有前輩走出黎貼文話，喂，你知唔知英國有一個叫「虛假文書罪」，你唔識果個人，又或者你識左果個人唔夠兩年，然後你又冇辦法prove佢寫既野係真，你走去幫人簽名，你知唔知自己已經犯左法？

成日講話法治法治既公民黨，點解可以引導教唆佢既街坊寫虛假文書？你自己出事唔緊要，如果搞到以後副簽都冇人信，咁點？而家香港人剩係覺得BN(O)係唯一出路咁架嘛。只要話幫人搞BN(O)，大家就畀like又轉發。咁政工作者做，就無可厚非既。但問題係，如果萬一有一個藍絲，話識左你兩年，等你做完之後，告發你（喂，你知咩叫告發架呵？），咁點算呢？ 一上左你船果堆街坊出事，二你區議員出事，三個個等副簽拎BN(O)既出事。

咁最後死既係咩人？

就係香港人囉。

你提佢，就係「你同佢有仇」。

咩叫做你剩係睇蘋果fact check 左未？而家個fact就係，你話你幫認識左兩年既街坊簽，英國佬信唔信你？英國佬點解要信你，原來呢d 本來賣honest system既野，可以用黎做選舉工程？咁以後我仲信唔信你地d 副簽係真？講到尾，香港人為左要得到既野，講大話都冇所謂既，咁同佢地最憎既果個民族既人有咩分別？

所以，當你見到呢d野既時候，你出唔出聲？你出聲，就話你屌泛民。唔出聲，出左事，就話你做咩睇住佢出事唔講，咁你有咩高見。好啦，最近就出左第三款，就係：「你點解唔私訊佢」。喂？無啦啦做咩私訊佢？我一唔係佢選民，二唔係佢受薪員工，點解我要私訊佢提佢？你個主人做錯事，你要執屎，都係你d助理同佢做啦，做咩一個外人無啦啦要幫人做野？你好得閒？唔知咩叫政治公關？咩叫政治智慧？寫字使唔使錢？出個post畀大家睇，係畀我既讀者，我既聽眾，我既網友睇。係畀對我有興趣既人睇。而家人地做野，然後你私訊佢話，「喂你咁做可能會出事啵」，你估人地會點諗？「喂，我咁叻，我選到架！仲有大黨撐腰，你d咁既KOL唔想我做到野之嘛，點解我要…