Member-only story
睇返份文件先啦。
拿，仲有咩牌可以出呢？G20 去日本示威，given 你地合法既，你又入到境既，我不可以反對。任何人都有合法的集會自由，right？
而且咁多個國家元首係度，我肯定你連阿侵髮尾都未必睇到。但有張相，有個圖，有個勢，可能都會有d用既。最好完事後，就跟我個patreon 去搵食（www.patreon.com/eatgoodsite，大阪都有成50間推介啦！學學燒山，咩都要做下廣告），咁就vely骨啦。
而有d野，都係可以做既。首先，睇返香港而家呢個地位，係邊個畀我地既呢？中英雙方有會議，有溝通，有中英聯合聲明。
而美國，亦都有一條「美國香港關係法」。好啦，而家睇返，6月13日至而家，有幾多人睇過呢份文件，有咩detail呢？
有前輩就之前講過，話份野好辣，辣到一個點，係你而家立23條，佢就即刻會取消香港特殊地位待遇。你點樣立一條，唔影響人權，而又同時「合符」中英聯合聲明既廿三條呢？
呢一點，我又唔係立法會議員，立一條「令（美國）人安心既廿三條」，唔係我份內事。我唔使識解既。
我只係知道，如果呢條法例通過，立廿三條既難度就會增加。
而對我而言，泛民亦都唔可以再用廿三條黎情緒勒索佢既選民，話投佢地入去，就等如擋住廿三條，which is a good thing for the whole picture，你需要話我知，你係一個值得我選你入去既人，而唔係剩係識係適時同港共deal，然後出賣我地既人。
講完一大輪，好啦，你而家可以做咩呢？
有人就發起左一個運動，我咩都唔知架，係有人發夢話我知既，首先，你要搵美帝既國民，send email 去呢幾個議員果度。問題係，唔係你個個連登仔都做到。果個電郵，都係要有zip code先send到，即係要美帝國民至得。
