Member-only story
是不思考！
對食物有要求和「揀飲擇食」，香港家長會分嗎？
因為飯盒一事，有很多家長傳我簡訊。他們都不敢，不想留言。怕那些家長「朋友」看到不高興。
那位網友這樣說的：
～～～～～～～～～
我這兩天見到你寫學校飯盒的文章，我就想起幾年前我囡讀緊傳統學校時，我做義工家長負責睇飯，第一日由一個老屎忽家長教我個程序和注意事項，佢第一樣野就話唔可以比D細路食剩太多，最少要食8成，第二、食飯時間唔可以傾計，食完飯又要睇書又唔可以傾計，期間個老屎忽巡黎巡去，細路食完要舉手比義工睇左先可以唔食，我直頭覺得自己似獄卒多過似義工。
好啦，講番D飯盒，我之前都聽過好多人話學校飯盒難食，但我當時心想可能某些小朋友或某些飯盒問題姐，唔會款款都難食掛，點知D學生一打開個飯盒，果種焗宿味飄出黎，係隔夜飯味，再睇飯盒入面，豬扒係兩塊正方型白色紙皮咁樣，面頭鋪左一pat杰汁，D蔬菜好似粒骰咁切到一粒粒，你就咁睇係唔會知係咩，就算我問D細路都唔會知係咩，因為完全無味，意粉就硬到一舊，有些細路食兩啖就舉手，叫我過去睇下可否唔食，我最初都有勸下細路，食到幾多得幾多，我唔係驚浪費，依D垃圾食物，掉左都唔可惜，我係驚細路餓親，但後黎我都由得佢地，一餐半餐唔會餓死既，有一個細路同我講：「Auntie，我求左我媽好耐，佢都唔肯比我帶飯啊！我真係食唔落啊！後黎我見到細路阿媽，我問佢：你又唔洗返工，又住得近，點解唔比個女帶飯姐？」
佢竟然答我：「我廢事整慣佢下下要揀野食，縱慣曬，揀飲擇食。」
好多家長把分辨食物味道和挑食當為同一樣野，我估中國人好驚比人話無家教、揀飲擇食、縱壞，我心諗：你地大人都揀好食既野啦，點解細路要默默接受劣食。
其實飯商唔止係學校揀，家長教師會都有份揀，但問題係飯商比sample你，當然好食好多，其次係其實間間都咁差，只係揀一間無咁差。
我個女一開始就自己帶飯，所以無試過學校飯。但我每次去睇佢地食飯，都見到我女食得好開心、好滿足。
現在，我女轉左國際學校，飯商都唔係本地學校果幾間，味道好好多z木
老師自己都係食果D飯，有Carbonara、肉醬意粉、Chicken a-la-king，有新鮮salad，飯後食水果，家長回去學校隨時可以買個飯黎食，每日$34。
我觀察過一、二年班最抗拒，但食多幾年，到四年班，就會習慣劣食，我曾經想過跟本依個社會就要令到小朋友無曬品味，唔識分咩叫美味，只係識得係咁架啦！有得食你就食啦！
