一個月賺兩萬九，很多嗎？不是。很容易嗎？也絕不是。但三萬元，算什麼？
香港的平均薪水中位數是大概是16, 200元。男的賺19100，女的賺14700元，就叫是mean了。
當然，如果你是大學畢業生，你就要賺 26400 才叫達medium了。好了，根據香港基本的統計，有說，香港只有大概17％ 左右的適齡學童可以進入資助的公立大學，即是你如果是大學畢業生，大概都跑贏了跟你同一年代出生8成的人了吧？然後，當你賺29000一個月，你都覺得沒有「出路」，「買不起樓」，那有什麼可以做呢？
最近，跟朋友去一個東西不好吃酒很一般的戶外大食會，那個名字不要說了。有不少朋友為他們做KOL，說了很多違心的話，我都當看不見好了。
當中，有一段對話是這樣的。大概是三個女生，比我年紀輕十年左右吧？打扮很一般，但很明顯是有注意自己體型的女孩。
女孩只用代號好了，因為說這些話的人，大概在中環在尖沙咀，比比皆是。
～～～～～～～～～～～～～～～～～～～～～～～～～
搭上已婚男妹a：你條仔係CCBI 做出10個月bonus 喎
串咀朋友b：佢得三皮野人工都得三十幾萬有鬼用，俾到首期咩，人地朋友丙個老公係樣衰呀，不過住迎海特色戶，我冇可能同佢捱囉。
喂？原來冇迎海特色戶，就叫唔夠愛？有既話，就係所有野都可以「包容體諒」？你就可以「愛」到一個點，可以覺得「佢肥肥地幾得意」、「佢個頭同塊面油d不過佢不拘小節好相處」？咁樣？
哈哈哈，有幾愛，一年有十個月bonus，又點叫捱緊呀？
原來，後面仲有下半截。
搭上已婚男妹：佢上返屋企搵佢老婆，我咪係佢車等佢，等咗成個鐘，一落嚟佢拖住我，佢竟然冇除結婚戒子，我話你結咗婚唔好再揾我，佢猛同我講對唔住我叫佢返去同老婆講
串咀朋友：仲係車等佢成個鐘你仲唔走
搭上已婚男妹：佢車匙係我手，俾人揸走咗點算
串咀朋友：你又話去過人屋企，你點會唔知人地有老婆，跟住點呀？
搭上已婚男妹：跟佢去酒店
串咀朋友：仲去酒店，又话分手，你明知去酒店做咩啦
搭上已婚男妹：知，攪野囉，撹咗好耐。第二日我block 咗佢完咗了。
搭上已婚男妺：又要再揾喇，點解唔可以搵到一個有＄有樣對我好架
串咀朋友：你公司D MT大把富二代啦
搭上已婚男妺：我唔想幫人湊仔囉！
～～～～～～～～～～～～～～～～～～～～～～～～～～～～～～～
我和朋友等著卡邦尼意粉、聞著牛柳粒的香氣，一直不敢擰轉頭看這幾個在銀行做了幾年的妹妹仔的樣子，他們似乎跟我們經歷的太不一樣了。
「幸福、舒適的生活原來要這樣、用這個途徑爭取的，只要有車有樓有$，那怕男人禿頭大肚腩有老婆。」朋友幽幽地說。
我只可以直截了當的對朋友說：「姐，我們年紀大了。我們以為幸福，是需要自己爭取的。但現在的人，太習慣以為自己在談戀愛，其實是要物質。將物質和戀愛迫不得已的掛鉤，製造出如此扭曲得正常，正常得扭曲的感情世界。現在這一代，有不少都是這樣子的了。你看不慣，只是你少見多怪而已。」
我們都幽幽的嘆一口氣。也感恩，自己不需要出賣性器官，都有今天的成就。
為自己用腦子討生活乾杯。
