從2016起，我就跟自己說，唔做中唔做保唔做媒人三代好。出道呢幾年，介紹學生到不同的傳媒機構，當學生嘅表現唔ok，就會找到我頭上。
彷彿好似我有問題咁。
「教不嚴師之惰」我明嘅。
但介紹朋友做嘢呢？係咪一定要加埋人格擔保？更何況，娛樂圈，人多口雜事瑣碎，我又唔係果堆藝人嘅老闆，頂多只係「朋友」（如果佢地當我係啦），我點干涉佢哋嘅工作日程？隨著麻煩多過好處，呢幾年，我都好少再做「介紹人」，好似有人想要本土食材嘅餐廳廚師，我有contact 我都唔會畀任何人，費事煩。
萬一，任何一方因為佢哋個project成功賺錢失義，失敗蝕錢失利，對我都係百害而無一利。
所以，我呢幾年，都唔再做「中間人」，育成任何美事。
