Member-only story
先唔好講香港既本土政工作者既質素低劣。睇佢地發言，都浪費你時間。而家個個都剩係識鬧人，以為cut 幾句上面書就叫「KO政府官員大快人心」。以前睇李柱銘都叫有幾句英國文學學下。而家？算啦。不過呢個都唔怪得d 政工作者，因為，佢d客，即係佢地d選民，係需要呢d。謝安琪係《黑紙》話齋，個仔中意食屎，唔通畀屎佢食？係。就係應該。政界而家就係咁。
係香港呢，有一種節目主持人，係咁樣政評既：佢會話，佢收到風（如國安朋友講）講左一個故仔，講到好x大件事，然後呢，佢就會call for action，即係叫你食維他命呀，投票呀，買下旗呀，做下手工，摺下紙鶴，綁下黃絲帶，做d做左會無傷大雅既事。之後呢，你跟住去做啦。做完，好啦，如果件事變得更好，又或者更差呢，佢都可以繼續拎件事出黎講。變得好呢，就係我既call for action 成功，可以claim 成功爭取。而如果變得更差呢，就係「我地唔夠努力，下次再做好d」。而如果有人質疑，點解你要咁講，你有冇證據，例如，佢地好中意話，邊個邊個投共，邊個邊個係共產黨既鬼，你問佢有冇證據啦？佢就會話：「畀你搵到證據就唔係共產黨啦」、「總之我而家收到風，我既風聲準唔準確，你睇我以前就知」。首先，畀你搵到證據就唔係共產黨，係「冇證據」的意思。但佢既聽眾，佢既支持者， 係會相信既。而「我風聲準唔準確」，佢以前中過六合彩，同佢今次買六合彩會唔會中，係兩件事黎既。以前準，唔代表今次一定準。當有人問佢地拎任何證據既時候，佢地會拎唔出，所以就唯有信左佢。
一個人成日畀人話「你係公眾人物黎架，你講野可唔可以負返d責任呀？」。對果d 有好多信眾既主持人黎講，係唔緊要，都冇意義既。有一排，有一段時間，有幾個年輕既朋友成日黎問我野，成日叫我「老師老師」，我當下真係有d 無名火起。我心入面爆左一句「我屌你老母呀，你叫我老師係咪即係笑鳩我同燈神一撚樣，講咩錯咩？」我當時係真心嬲，亦都當面同佢地講，你老母你條友要玩野既話我以後唔撚答你地d message，佢地先改口。老師？老你老母。香港人最撚中意咩？鳩噏既，冇證據既，呢堆「我對眼竟係證據」既論證手法，係香港，流行左二十年。
到而家，個個都可以係facebook 論政啦，就你出一個post 講一句野，咩就信晒。佢係藍既，佢係黃既，佢點點點，你乜乜乜。之後，你問佢證據呢？佢就問你，你有冇證據佢冇做過？你咁叻，你證實佢冇做過囉？然後，提出指控果個係佢，冇證據果個係佢，作故仔果個係佢，最後要個受害人出黎證實自己冇做過？…
