頭條新聞係咩一回事

呢個故事，我決定只給medium 有課金的朋友看。

《頭條新聞》係咩一回事？

港台節目《頭條新聞》而家係腰斬，剩係點樣呢？真係冇人知。可能之後就冇人會記得。不如，寫低去，變成文字，等大家好好記得。

過去20年，其實有好微妙轉變，大家可能係知既。

20年前，我第一份實習工作，就係香港電台電視部（PATV），即係商業電台隔離果棟大廈。當時係做咩呢？2000年，係回歸後，首次立法會選舉。當時係由臨立會，變成首次既立會選舉。

而亦都係回歸後首次既立會選舉，所以大家都好似覺得好重要，要好認真咁搞。當年既投票率，好高架。連我阿爸，都有去投票。佢投左邊個呢？佢話佢果陣時覺得周梁淑儀感覺幾好，就投左佢。話聲你知，我阿爸其實小學未畢業。

所以果d所謂選舉分析，話高學歷就傾向支持邊個，果d 都係學術既說法。數字可能唔呃人，但係數字反唔反映現實，都好重要。

當時我要返一至五既，之後就睇住我d 師兄師姐去真係做下「新聞節目」。當時，由於我只係做選舉節目既pa，未到選舉只係做籌備工作既時候，所有野都係好簡單，好算得閒既。我就有好多時間，睇下我d 師姐做d咩。

我只係記得，聽講有幾個好似成績既好既師姐，由於樣既原因，佢地入唔到tvb 做實習，覺得自己「輸左」。新聞系既師姐係好有鬥心同野心既，冇鬥心同野心既人，係好少會讀傳媒做傳媒既。我就睇住一個其實同我冇咩兩句，但個心睇起黎都唔係特別中意我既師姐做《頭條新聞》。做頭條新聞既pa，對呢個師姐黎講，係好困難既。

因為，佢唔聽歌。佢唔識廣東歌，佢對流行音樂一d興趣都冇。所以每個星期，佢要負責去搞一d 歌，夾入去d 新聞既時候，佢都會覺得，好有難度。

《頭條新聞》，其實係一個戲仿節目。睇返果個師姐既intern report，係呀，佢地做師兄師姐既intern report呢，係全部都公開畀我地睇，等我地大概知道入左果個機構係要做咩既。咁好似有d 當年做《壹周刊》既師兄師姐就話自己學到好多野，真係做緊新聞。但《頭條》既師姐們呢，就覺得呢個，只係一個「＃二手新聞」節目，唔使出crew 拍野，只係睇下發生咩事，然後一星期做22分鐘既節目出黎，稿又唔使佢地度，當時係有專職寫稿人既，果個係邊個，就唔公開講啦。講完大家又唔開心。所以果個師姐，好似做得有d 唔開心既。只係夾bite，再夾歌呢樣野，其實對於讀書好叻，考試好叻既中大新聞系同學黎講，唔係一件好易做既事。因為《頭條新聞》既出現，就係一種娛樂，有d 似而家既daily show 或者 late night show果種戲仿，搞笑，企圖將時事呢件事，帶畀唔係好睇新聞，唔係好關心時事既港豬睇。所以，呢個節目當然有佢既重要性，但係我果個師姐就唔係咁諗。佢就覺得，冇得好似比佢生得靚d既同學咁，係tvb 做實習，可以跑新聞，可以出鏡，果d 先係佢想做既野。